White heart الضحية الخامسة

الأخ :White heart سوف يجلس على كرسى الاعتراف لنتعرف علي هويته واحلامه وهمومه ...الخ
بادروا بأسئلتكم له وكالعادة لى الاسبقية بما اننى من الادارة وكاتبة الموضوع ...ولا ايه ؟؟
1- من هو White heart الذى لانعرفه وهل الاسم ده يمثل قلبك ؟؟


أتمنى ألا أكون قد اثقلت عليك بالاسئلة ..

يلاااا جاوب بقى واستنى أسئلتى بس بعد ما تجاوب ده

يلااااااا

يلا يا withe heart جاوب دانا اول واحدة مرشحاك يعني لازم تجاوب كمان علي اسئلتي بس الاول جاوب علي اسئلة مس ايمان

مش بتجااااااوب ليه يلالالالا

عشان لسة فى أسئلتنا كمااان

طيب وليه كده بس
انا علشان بمتحن تعملوا فيا كده
حاضر هجاوب على كل اسئلتكم
بس انا عايز بالراحه عليا علشان لسه ما خلصتش امتحانات

- من هو White heart الذى لانعرفه وهل الاسم ده يمثل قلبك ؟؟
انا خالد الديش
21 سنه
طالب فى كلية العلوم
قسم كيمياء خاصه
جامعة الازهر
السنه الثالثه

ولكن اسمى هذا ما هو الا اسم مستعار فقط ولا يمثل لى اى شىء

والدى بالتاكيد



أتمنى ألا أكون قد اثقلت عليك بالاسئلة ..

لا ابدا ميس ايمان
وبعتزر عن التاخير على الاجابات

-فنانك ومطربك المفضله؟
هانى رمزى والمطرب وائل جسار
عضو واثق من نفسه ... ؟
كل الاعضاء هنا واثقين من انفسهم
[صــف نفســـك بكلمتيـــن فقـــط..!
هادىء ومتواضع
]حمـامة زاجـــل حاملـــة رســالة لـك,,,من من تتمنـى ان تكــون؟!؟
من الكليه وتكون معاها شهادة التخرج


انا لقيت الاسئلة حبة صغيرين حطيت كمان شوية يلااا

دول ايه بقى يا ندى كماله للكشرى
هههههههههههههههههههههه

لالا والله انا لقيتهم حبة صغيرين بالنسبة لأسئلتك اللى كنت جايبهالى هههههه

حرام عليكى
انا مش سالتك غير مره واحده
صح ولا لا

والله دا كانوا كتير جداً حتى شوفهم كدة يلااا مش مشكلة اللى عدى عدى بقى خلاص

ههههههههههههههههه
ما هو انا قلت علشان مش اكون تقيل عليك
احط اسئلتى مره واحده وخلاص

هههههه يلا المهم ان انا جاوبت وخلاص

استنوا ايه السرعة دي هو انت لسه شوفت حاجة يا خالد
المهم التقيل جي اهه
1- ايه اكتر صفة فيك بتحبها جدااااا
2- اكتر حاجة بتشغل الناس مش عجباك
3- اكتر حاجة تجرحك
4- اكتر حاجة تزعلك من صحابك
5- انت اللي اخترت صحابك ولا اجبرت انك تصاحبهم
كفاية عليك لو في سؤالمضايق منه بلاش تجوبه يا ريت مكنش تقلت

استنوا ايه السرعة دي هو انت لسه شوفت حاجة يا خالد

المهم التقيل جي اهه

هههههههههههههه
اوك يا اسراء

1- ايه اكتر صفة فيك بتحبها جدااااا

التواضع

2- اكتر حاجة بتشغل الناس مش عجباك

سعيهم وراء الماده حتى ولو كانت ايه هى التنازلات

3- اكتر حاجة تجرحك

الخيانه من صديق او حبيب

4- اكتر حاجة تزعلك من صحابك

انهم يتكلموا عنى بطريقه مش حلوه

5- انت اللي اخترت صحابك ولا اجبرت انك تصاحبهم

انا اللى اخترتهم طبعا

كفاية عليك لو في سؤالمضايق منه بلاش تجوبه يا ريت مكنش تقلت

لا ابدا يا اسراء ومنتظر عودتك

يلاااا يا جماعة لو حد عايز يجيب أسئلة كمان مفيش الا تلاتة بس هما اللى حطوا أسئلة

ما تهدى شويه يا اخت ندى
انا لسه بمتحن يعنى

طيب جاوب براحتك لما تخلص امتحانات ربنا يعينكوا

ان شاء الله ربنا يوفقك يا خالد

ميرسى ليكى يا اسراء

1-عضو نفسك تتعرف عليه

الجميع هنا اخواتى وبحبهم فى الله واتمنى التعرف عليهم

2- ممكن انك تضحي باحلي حاجة علشان صحابك

والله دا يتوقف على مدى حبى ليهم
وعلى اى شىء ممكن اضحى من اجله

3-مين اللي قالك علي المنتدي ولا كان الاشتراك صدفة

حبيبى وابن عمى الاستاذ جميل

4- اكلتك المفضلة جدااااااا

مكرونه بالبشامل

5 المشروب اللي ديما تشربه

سفن اب

يلا جاوب وربنا معاك في الامتحانات

انا جاوبت اهه يا اسراء
ميرسى على دعوتك

انتي شوفتيه دانا اكتر واحدة اتعصرت من الاسئلة انتي حظك حلو يا ندي شويه اسئلة حلوين دانا كنت بستني خروجي بفارغ الصبر ههههههههه

لا والله يا اسراء جالى أسئلة كتير خالص وكانت صعبة والله تصدقى كنت بخلى ماما تساعدنى فيها هههههههه بس طبعاً فى اول خمس أسئلة الباقى كله جاوبته لوحدى

ههههههههههههههههههههههههههههههه لا انا بقي محدش ساعدني خالص

هههههه اوك بس انا والله فى أول خمس ست أسئلة بس متهيألى بتاع مس ايمان بس انما الاسئلة اللى جاتنى بعد كدة محدش ساعدنى فيها خاااالص

انتوكده خلاص خلصتوا اسئلتكم
انتو طلعتوا بتحبونى اوى

كفاية بقى كدة عليك عشان امتحاناتك ولو عايز تانى عادى مفيش مشكلة

يا مسهل يارب
انا خلصت امبارح الحمد لله

أوك الحمد لله

انت خلصت امتحانات الكلية بس مخلصتش هنا لسه هاهى بعض الاسئلة : -

1- ماهى الكيمياء الخاصة ؟؟ ولما اختارتها ؟؟ وما العائد الذى يعود اولا عليك بدراستها وثانية على المجتمع المحيط بك ؟؟
2- مارأيك بكل صراحة فى كرسى الاعتراف الخاص بمنتدانا وهل تفاجأت بجلوسك على الكرسى وماهو شعورك وانت عليه حاليا ؟؟
3-فى اجابة لك عن القسم الذى تتمنى ان تشرف عليه قلت القسم الرياضى وقلت لا يوجد قسم له فى منتدانا ...هذا غير صحيح فالقسم موجود بالفعل ولذا هل تقبل الاشراف على القسم الرياضى بالمنتدى ؟؟
4- اذا تم اختيارك عميد لكلية العلوم ماهى قراراتك وتغيراتك التى سوف تحدثها بالكلية ؟؟
5- كم تحفظ من كتاب الله وسنة النبى صلى الله عليه وسلم ؟؟
6- مانوع محمولك وهل تحبذ موبينيل ام فودافون ام اتصالات ولماذا ؟
7-مدينتك المفضلة و مدينة زرتها وتود زيارتها مرة اخرى ؟؟؟
8-اعطنا جدول حياتك اليومي كي نستفيد منه ؟؟؟
9- كلمات قليلة توجهها اولا لمدير المنتدى وثانيا للأعضاء والمشرفين ؟

انت خلصت امتحانات الكلية بس مخلصتش هنا لسه هاهى بعض الاسئلة : -

وانا مستعد لاسئلتك يا ميس ايمان

1- ماهى الكيمياء الخاصة ؟؟

فى البدايه قسم الكيمياء عندنا ينقسم الى قسمين خاصه وتطبيقيه
الكيمياء الخاصه بتدرس كل شىء فى الكيمياء بكل ما تحتويه الكلمه من معنى
وتنقسم الى ثلاثة فروع عضويه وغيرعضويه و وفيزيانئيه
اما الكيمياء التطبيقيه فهى من معناها انها بتدرس الصناعات الكيميائيه
كالاسمنت والبترول والماء وغيرها من الصناعات
ولكنهم لا يدرسو الفروع السابق ذكرها

ولما اختارتها ؟؟

احنا اختيار القسم فى الكليه بيترتب على تقديرك فى سنه تانيه
الكيمياء التطبيقيه مش بيدخلها غير حوالى 20 طالب فقط من الدفعه كلها
واقل تقدير لها جيد جدا ووبتقوم شئون الطلاب بعمل قرعه للطلاب المتقدمين لهذا القسم
ويتم الاختيار على هذا الاساس

وما العائد الذى يعود اولا عليك بدراستها وثانية على المجتمع المحيط بك ؟؟

انا بحب دراسة الكيمياء جدااااااااا الى اقصى الحدود والعائد الذى يعود على انه الحمد لله
مجالى فيه فرص عمل كتير جدااااااا بعد التخرج حتى لو مش حصلت على وظيفه انا
اصبح معى من العلم ما يكفينى واصبحت الان اصنع بعض المنظفات الصناعيه وادوات التجميل وغيرها
اما المجتمع انا بحلم انى افيد الناس من حواليا بما استفدته من الكليه
ومش بتاخر عن اى انسان محتاج اى مساعده فى الكيمياء
انا الحمد لله بشرح لالولاد عمى اللى فى الثانويه العامه
لكن انا نفسى يكون المجال اكبر من كده بكتير وعمرى ما كان حلم حياتى انى اكون مدرس كيمياء والا كنت دخلت تربيه وريحت دماغى

2- مارأيك بكل صراحة فى كرسى الاعتراف الخاص بمنتدانا وهل تفاجأت بجلوسك على الكرسى وماهو شعورك وانت عليه حاليا ؟؟

والله يا مس ايمان انا اتفاجئت وعمرى ما كنت اتوقع انى اكون على كرسى الاعتراف
خصوصا انى كنت لسه موجود عليه فى منتدى الهياتم اليوم وكنت خلاص ارتحت
شعور جميل لانى بكشف حقيقتى بدون كدب او نفاق والله اعلم

3-فى
اجابة لك عن القسم الذى تتمنى ان تشرف عليه قلت القسم الرياضى وقلت لا
يوجد قسم له فى منتدانا ...هذا غير صحيح فالقسم موجود بالفعل ولذا هل تقبل
الاشراف على القسم الرياضى بالمنتدى ؟؟

هو موجود يا ميس ايمان لكن مش شغال نشاطه واقف
انا مستعد اكون مشرف عليه ودا شرف ليا طبعا

4- اذا تم اختيارك عميد لكلية العلوم ماهى قراراتك وتغيراتك التى سوف تحدثها بالكلية ؟؟

اولا سوف يتم عمل معمل للكيمياء التطبيقيه خاص بهم
وتطوير المعامل والمدرجات بالاضاءه الكافيه
وانشاء كافيه بالجامعه

5- كم تحفظ من كتاب الله وسنة النبى صلى الله عليه وسلم ؟؟

الحمد لله احفظ 15 جزءا من كتاب الله حفظ يقين
وسنة رسول الله احفظ ما يكفى حاجتى

6- مانوع محمولك وهل تحبذ موبينيل ام فودافون ام اتصالات ولماذا ؟

نوكيا موبينيل شبكته افضل

7-مدينتك المفضلة و مدينة زرتها وتود زيارتها مرة اخرى ؟؟؟

المحله الكبرى
الاسكندريه

8-اعطنا جدول حياتك اليومي كي نستفيد منه ؟؟؟

انا ببدا يومى بذكر الله وبصلاة الصبح
وابدا بممارسة النشاط اليومى
لانه بيختلف ايام الدراسه عن الاجازه
كل منهم له جدول معين

9- كلمات قليلة توجهها اولا لمدير المنتدى وثانيا للأعضاء والمشرفين ؟

احب ان اشكر المدير على الاداره الاكتر من رائعه لهذا المنتدى
الاعضاء اوجه ليهم اللوم على عدم مداومتهم ومشاركاتهم فى المنتدى
المنتدى به اعضاء كثيرين ولا يوجد الا اسماء معدوده ومعروفه
انا اتمنى انهم يشاركوا ونعمل معا للرقى بالمنتدى لافضل صوره له
والله الموفق

اجابات كويسة جداً

ونتمنى ان لا نكون قد ارهقناك بأسئلتنا ولكنها الى حد كبير اعطتنا قدرلابأس به عن شخصية كانت غير معروفة لكثير من الاعضاء ولكن بعد جلوسك على الكرسى تعرفنا عليك بشكل افضل من خلال افكارك وطموحاتك ونتمنى لك التوفيق فى كل امورك الحياتية