ندى على كرسى الاعتراف

آليوم .. وفي هذآ آلمتصفح
نعطي للجميع الفرصه للتعرف على شخصية رآئعة من شخصيآت المنتدى
هنا مع ضيفتنا الجميلة سنقضي اسبوعا ممتعا ومسليا وهادفا

ضيفتنا مختلفه .. متميزه ونشيطه متفوقة
لهآ مكانه في قلوب الجميع ندى على كرسى الاعتراف 515157

فرضت تواجدهآ بيننا ..بمشاركاتهآ ومواضيعهآ المميزه ..
وبروحهآ الطيبة .. تواجدهآ الدائم .. حب الأعضاء لهآ

ندى على كرسى الاعتراف 217741

آترككمـ مع ضيفتنآ

ندى
وأبدأ بطرح شويه اسئلة سهلة جداااااااااااااااااااااااااا
جاهزة يا ندى
1- من هى ندى التى لانعرفها ؟؟؟؟
2- ما أسباب تفوقك الدراسى فى الاعوام الماضية ؟؟
3- بما تنصحين البنات اللى فى سنك وماهى الامور اللى مابتحبيش تشوفيها فى بنات سنك هذه الايام ؟؟
4- أحلى شئ عجبك فى منتدى الدماطى وشئ آخر تكرهينه فيه ؟؟؟
5- هل تركت المدرسة فى قلب ندى بصمة لم ولن تنساها ؟؟؟ وماهى تلك البصمة ..؟؟
6- ماهو اصعب يوم فى حياة ندى ولماذا كان صعبا ؟؟
7- كيف تعبرين عن فرحك دائما ؟
8-لو طلب منك تغيير اسمك ماهو الاسم البديل؟
9-ماهو الشي الذي امامك ولكن صعب الوصول اليه؟وهل ستتخلي عن حلم الوصول إليه وتجدي بديل أم ستصمدي لتصلي إلى ما تريدي؟
10-بيت شعر مقرب منكٍ جدا ؟

كفايه عليكِ كده النهارده يا ندى المنتدى
ندى على كرسى الاعتراف 278837

1_ بنت عادية لكنها تحب الخير للجميع وتود أن تقدم المساعدة لكل محتاج فى الدنيا.

2_اهتمام أهلى وطموحى فى المستقبل ووضع هدف لحياتى أحاول أن أصل اليه.

3_أنصحهم بالتمسك بالدين أولاً وأخيراً . والاشياء اللى بكرههها فيهم الكلام فيما لا يخصهم وحمل الموبايلات وتشغيل الاغانى للفت الانتباه .
4_الذى احبه:المودة الاحترام بين اعضاؤه _ الذى أكرهه:لا يوجد شىء أكرهه صراحةً.

5_نعم تركت بصمة وهى معرفة صديقات جدد ومدرسين ومدرسات لهم فضل كبير جدا على .

6_أصعب يوم :كان يوم وفاة جدتى لأبى منذ سنتين وكان صعبا لأنى كنت أعتقد أنها لن تفارقنى .

7_بالضحك بطريقة هستيرية .

8_لا أتمنى اسم غير (نـــدى) .

9_أن أصل الى الثانوية العامة وأعديها بتفوق .لا ولن أتخلى عن هذا الحلم وسأبذل كل ما فى وسعى لأتخطاها .

10_ده بيت أعجبت به وهو فى المدح:::_ اذا كسب الناس المعالي بالندي ......... فأنك تعطي في نداك المعاليا .

وده بيت أعجبت به فى المعلم :
قم للمعلم ووفه التبجيلا ****كاد المعلم أن يكون رسولا

وشكرا لكى يا مس ايمان على هذه الأسئلة الجميلة

ادخل انا بقي في الاسئله ولا اشمعنا انا بصي يا ندي علشان تعرفي انك غالية عندي انا مش هتقل عليكي
1- مين اكترناس بتحبيهم في الدنيا دي كلها
2- مين اللي يستحق يكون اقرب الاعضاء الي قلبك
3- ايه هي الاكلة المفضلة عندك
4- ازاي اشتركتي في المنتدي
5- اكتر هوايه بتحبيها
6 اكتر الاصحاب الي قلبك
7- عضو او عضوة بتحبي ديما تتبعي ردودة
8- عضو ينرفزك بردودة
9- عضو نفسك تتعرفي عليه
10 اجمل حاجة حصلتلك طول حياتك
اسيبك تجوبي لما احضر الباقي شوفت الاسئله سهلة ازاي يا ريت مكنش تقلت عليكي
ندى على كرسى الاعتراف 786785

1_أنا بحب أول حاجة طبعاً ربنا وبعد كدة بحب الرسل وبعدين ماما وبابا وأخواتى وبعدين انتوااااا

2_مس ايمان وانتى يا اسراء والمستر

3_ الاأكلة المفضلة المحشى والسمك

4_بعد أما قالنا الاستاذ عبد القادر عليه اشتركت علطول فيع بس بعد أما وصلنا النت

5_هوايتى هى القراءة

6_أكتر الاصحاب أسماء ونها ومنار

7_بحب أقرأ كل الردود بتاع الاعضاء

8_ولا أحد

9_نفسى أتعرف علكوا كلكوا والله العظيم كلكوا حلوين جدا

10_انى أطلع المركز الاول ويا رب تدوم يا رب

وشكرا لكوا كلكوا

1- ايه اجمل حاجه انت عايزه تشوفيها

2- ايه اجمل حاجه عجبتك فى المدرسه

3- ايه اجمل مكان ذهبت اليه وعجبك

4- ايه اجمل مشروب بتحبي

5- ايه اجمل لعبه بتحبي تلعبيها على الكمبيوتر

6- ايه اجمل لون بتحبيه

7- ايه اجمل مادة بتحبيها

8- ايه اجمل منتدى حبتيه

9- ايه اجمل مغنى بتحبى تسمعيه

10- ليه بتكرهى الزمالك علشان انا وملكاوى

لـــــــــــــــــــــــــــــــــــــــــــــــــــــــــــــــيه

و انا عايزك تجوبى على رحتك

1_ اجمل حاجة انا عايزة أشوفها مدينة مارينا ههههه محدش يضحك عليا

2_اجمل حاجة عجبتنى معاملة المدرسين والمدرسات للطالبات كأنهن بناتهن

3_والله فى أماكن كتير أوى عجبتنى مش واحد معين بس أنا بحب أروح المصايف عشان جوها.

4_أجمل مشروب عصير المانجووو

5_أجمل لعبة بحب ألعبها هى (switchball)لعبة جميلة جدا .

6_أجمل لون هو القرمزى والأحمر.

7_أجمل مادة كل المواد بحبها مش مادة معينة بس بحب العلوم والرياضة جدا

8_أجمل منتدى حبيته الدماطى وفتكات .

9_أجمل مغنى بحبه مصطفى كامل وحمادة هلال.

10_أنا مش بكره الزمالك خالص والله انا أصلا ماليش فى الكورة خالص مش متعصبة ليها انا بس بقول مجرد كلام زى اللى حوليا بيقولوا لكن انا مش بحب نادى معين ومش معنى ان انا بحب الاهلى يبقى بكره الزمالك نو نو نو خالص.

وشكرا لك يا علاء على هذه الاسئلة .

ايه الجمال ده يا ندى
ردودك رااااااااااااائعه
واسلوبك اروع
لكن مش عارف هتعملى ايه فى اسألتى
استنى عليا دورك جاى بعد ما ارجع من الشغل
ههههههههههههههههههههههه
هتكون اسألة سهلة خااااااااااااااااااالص بس كلها اجبارى

ربنا يخلى حضرتك يا استاذ وان شاء الله تكون الاسئلة سهلة زى اللى عدت كدة

ودي اسئلتي ودي حاجة بسيطة كدة الصعب لسة جاي .
ماذا ستكتب لنا لتعبر عن حياتك التي عشتها الى الان في كلمات قليله ؟

.
اذا اردت ان تبكي الان , فعلى من تبكي؟

من ستختار ليمسح دموعك ؟

لو
خيروك بين حبيبك وبين اعز صديق فمن تختار ؟

.ماهو تقييمك لهذا
المنتدى بصراحه ؟

.من يسكن قلبك؟

.هل تعتقد ان حظك سيئ؟

.هل
هزمك حزنك في يوما من الايام؟

.((مستحيل انساك)) لمن تقولها ؟

.((
اللي راح راح وماتفيد كلمة ياريت ))
إذا أردت ان توجهى هذه العباره
لنفسك, فماذا تقصدى بها ؟

.(( انت كل شيء بحياتي )) لمن تقوليها ؟

متى
اخر مره بكيت؟

اي الدول تتمنى ان تزوريها ؟

هل انت راضيه عن
نفسك ؟

.هل تؤيدى الزواج العاطفي ام الزواج التقليدي ؟ ولماذا ؟

.ايهما
اهم شهادتك الجامعيه أم الزواج ممن تحب ؟

.هل تعترفى بشيء اسمه
الصداقه بين الرجل والمرأة ؟

.هل انتى مدمنه تفكير؟

.من هو
اكثر شخص تفكرى فيه؟

.اذا تم تعيينك ملكا لجميع البلاد العربيه
فما اول قرار ستتخذه ؟

.هل تكرهى شخص بشده في حياتك ؟

.ما هو
اقتراحك الذي تتمنى ان يحدث في هذا المنتدى ولم يحدث الى الان ؟

.هل
ملابس الشخص امامك تؤثر فيكى لتأخذ عنه انطباع ؟؟

.ماالذي يلفت
انتباهك بسرعه في الشخص لكي تعجب به ؟

اذا احببت شخصا في الوقت
الخطأ وفي المكان الخطأ فماذا تفعل ؟؟

.حكمة تؤمنى بها جدا؟؟

.عاده
تفعلها دائما تتمنى ان تتركيها ؟

ماهو اجمل اسم لولد واجمل اسم لبنت
من وجهة نظرك؟

.ماذا تفعلى اول شيء اذا ربحت مليون ؟

.هل انت
من لديهم رغبة حب التملك واذا تملك الشيء اصابه الملل منه ؟

.اعتذار
تريدى ان تقدميه لمن؟

لمن تقولي هذه العبارات ؟

تعجبني صراحتك :
يعجبني هدؤك :
فقدناك:
تعجبني خفت دمك :
تعجبني افكارك:

. افضل موضوع قرأتيه

. ما هي 3 ذكريات مفرحة بالنسبة لك؟

. عضو مواضيعه وردوده تعجبكِ ويستحق لقب المبدع بالنسبه لكِ ؟؟

. ماهو عطرك المفضل(perfume)؟

. ماهو افضل مكان تحب ان تقضي فيه وقتك؟ ولماذا؟

. ممكن تفسري معنى المثل
شيل دهـ من دهـ يرتاح دهـ عن دهـ
وبوضوح ؟؟؟

. لو صادفتكِ مشكله فى حياتك مهمه جدا لمن تلجئِ ؟

. حكمتـــــك في الحيـــــاه ؟؟

. عضو بالمنتـدى تهمس بإذنـه وتقول له أنت مقصــر؟

اتمنى لك اسبوع حافل بالاسئله

وبتمنى ما اكون طولت عليك ولك حبي واحترامي

وليا عوده مرة اخره

انا جيت تانى انا عارف اتاخرت عليكى

تقبلى اسفى

يلا ندخل على الاسئله

1- ايه سبب إختيارك اليوزر نيم ده ؟؟

2- لو قلتلك قل لى افضل صفة فيكى هتقول ايه ؟؟

3- أسوأ صفة فيكى هتقول ايه ؟؟

4- أنهو سؤال تحبى تتسأليه ؟؟

5- كم مرة حبيتى فى حياتك بجد ؟؟

6- إيه رأيك فى كل مشرف معانا فى المنتدى ؟؟

7- تقولى لمين الجمل الجاية ديه

- كفاية إرحمنا

- وهو فيه زيك أساسا

- انت غيرهم يا حبيبي انت غيرهم

- سيبك من اللى عدا و راح

- حد بيحب حد أوى كده

8 - مين أكتر عضو بتحبيه فى المنتدى ؟؟

9- مين اكتر عضو بتكرهيه فى المنتدى ؟؟

10- قليلى أجمل اسم بنت بتحبه او حبيته ؟؟

11- إيه أكبر أحلامك ؟؟

12- حاسه انك راضىه عن نفسك ؟؟

13- لو بتحبى الحكم ايه اكتر حكمة بتحبيها ؟؟

الصراحة أنا قرأت الاسئلة بس صعبة أوى هههههه ان شاء الله هجاوب كله:-

1_حياة عادية أحياناً تقابلنا صعوبات وقلاقل لكن أحاول أن أتخطاها وان شاء الله لايقابلنى شىء آخر

2-أبكى على جدتى وعمى الذين وافتهم المنية (توفوا).

3_أختار أمى هى التى تمسح لى دموعى .

4_سوف أختار الاثنين .

5_تقييمى لهذا المنتدى (ممتاز).

6_كل أحبابى يسكنوا قلبى وأصدقائى وكدة.

7_لا حظى ليس سيىء انما حسن وكويس

8_دائما عندما أحزن أحاول أن أتخطى هذا الحزن بأمان حتى أستطيع أن أواجه با قي الحياة ولكن لم يهزمنى.

9_لن أنساك أقولها لصديقتى التى سوف ترحل وتسافر السعودية ان شاء الله قريبا لاأنها كانت غالية عليا جدا.

10_أقول هذه العبارة (اللى راح راح )لظلم المدرسين فى تعليم الرسم وضياع درجات كدة مننا .

11_أقول هذه العبارة مش عارفة والله مش قادرة أكمل للآخر بس انا أقولها لأعز صديقاتى .

12_انا كل ما يشتد بيا الحزن أو أحزن على شىءأو يشتد بيا الألم أبدأ فى البكاء لكن مش مرة واحدة .

13_مارينا أتمنى أن أزورها.

14_نعم راضية عن نفسى كل الرضا وأقول الحمد لله .

15_أقيد الزواج العاطفى لأنه على الأقل الاتنين بيكونوا عندهم خلفية عن بعضهما.

16-الشهادة الجامعية أولاً ثم الزواج .

17_نعم أعترف ومن الضرورى وجودها بينهما.

18_نعم أنا كل شىء بيحصل لازم أفكر فيه كتير وانا بالطبع مدمنة تفكير ..

19_أانا أفكر فى مذاكرتى أولاً قبل كل شىء لأن مثل هذه الاشياء تشغلنا عن الدراسة.

20_العمل على المساواة بين جميع البشر ومساعدة المساكين منهم والمحتاجين.

21_لا .لم أكره شخص بحياتى ولم أكره أحداً قط.(أبدًا).

22_الصراحة المنتدى زى مابيقولوا كامل من مجاميعه ماشاء الله جميل ويسلم ايد المستر هو اللى مصممه ويسلم ايه جميع الاعضاء اللى مشغلينه.

23-نعم اذا كان الشخص ملابسه مش كويسة ومش متطابقة للأداب العامة وضيقة وكدة آخذ عنه انطباع مش كويس.

24-الاحترام والهيبة والادب دول أهم شىء.

25-أفرغ عقلى من هذا التفكير الخطأ حتى لا يسبب الضررر عليا.

26-الحكمة التى تعجبنى جدا (اتق شر من أحسنت اليه).

27_لم يوجد فيا عادات سيئة أبدا والحمد لله .

28_أحمد ومحمد والبنت جنة وندى.

29-أخرج أول شىء نصيب الفقراء والمساكين حتى يباركلىربى فى هذا المال.

30-لا انا مش من هؤلاء نهائياً.

31_الاعتذار خلق من خلق الاقوياء وانا أقدم اعتذارى لكل الغاليين على قلبى اذا أخطأت فيهم يوماً.

32-أقول هذه العبارات ممش عارفة خالص .أنا أقولها لصديقتى التى تسافر التى سبق لى ذكرها من شوى.

33-توجد مواضيع عديدة أعجبتنى كثيراً وكان واحد من بينهم يتكلم عن الصلاة.

34-من الذكريات المفرحة لى عندما كنت أتقدم لأستلم الجوائز فى مدرستى العزيزة وذكرياتى أيضاً وانا لسة صغيرة واحنا كنا فى الحضانة وذكريات أخرى كثيرة لا تعد.

35-مفيش عضو فى المنتدى بصراحة مش بتعجبنى ردوده كل الاعضاء تعجبنى ردودهم .

36_عطرى المفضل المسك لأنه أشرف وأطيب أنواع الطيب.

37_أفضل مكان المصيف عندما نكون متجمعين كلنا وأولاد خالى بحب التجمع معاهم جدا.
جيث الجو الممتع .

38-يعنى مثلاً لو أحد مش مرتاح مع شخص يبعد عنه عشان الكل يرتاح.
39_الى أمى طبعا.

40_حكتى فى الحياة (من طلب العلا سهر الليالى )

41-أقول لحضرتك انت مقصر ولأمانى لأن مواضيع حضراتكوا قليلة اوعوا حد يزعل منى .

42-سبب اختيارى لندى محمد عادى والله أنا حبيت أختار اسمى عشان اصدقائى يعرفوا انا مين والمدرسي وكدة.

43-المفروض الغير اللى يحدد أجمل صفة فيا مش أنا بس أنا أجمل صفة فيا انى هادئة .

44-أسوأ صفة انى بكتم بداخلى كل حاجة لا أستطيع ان أفضفض لأحد غير قليل .

45-والله الاسئلة اللى انتوا عايزين تسألوها اسألوها بس يا ريت تكون سهلة شوية ههه.

46_والله مافيش حد ممرش بالتجربة هذه ولكنها تكون مجرد اعجاب ولكن انا أعمل على التفرغ لمذاكرتى فى هذه المرحلة حتى أنال شهادة عالية .

47_كلهم مشرفين ماشاء الله حلوين وشايفين دورهم كويس .

48_الصراحة مش عارفة .

49_كل الاعضاء بحبهم وبحب مس ايمان جدا واسراء والمستر والله كلكواااااااااااااااا بلا استثناء
.
50- أكره احد نهائياً بس بكره اللى بيجيب الاسئلة الصعبة دى ههههههههههههههه.

51-بحب اسمى (ندى) وبحب لما واسامى كتير بحبها.

52-انى أحصل على شهادة الدكتوراه واحقق آمالى فى المستقبل ان شاء الله .

53-الحمد لله راضية عن نفسى جدا فى كل شىء.

54-أحب الحكمة (كل الظلام في الدنيا لا يستطيع ان يخفي ضوء شمعه مضيئه).

وشكرا لك على هذه الاسئلة الصعبة دى ههههههههههه وان شاء الله تعجبكوا ردودى .

ما شآء الله على ردودك الدبلوماسية والتى تنم عن شخصية حالمة مبدعة فى أقوالها وأفعالها وهذا ليس غريبا فمعنى اسمك نفسه يحمل فى معناه الخير ألا وهو قطرات المطر على الاوراق و جود وسخاء وخير
شكرا لك يا ندى على ثناءك لى ولكل أعضاء المنتدى
ملحوظة هامة : أرجو من جميع الاعضاء التفضل بقراءة قوانين كرسى الاعتراف والالتزام بهاجدااااا حتى لانرهق ضيف الكرسى بكثرة الاسئلة

شكرا جدا لكى يا مس ايمان ولكل الاعضااااااء

يا ترى لسة فى أسئلة تانية من أعضاء أخرررر؟؟؟؟؟؟؟؟؟؟ ولا اكتفيتوا بهذه الكمية؟

ويأتى دور المستر اوعى وسع للمستر اللى غايب من فترة خخخخخخخخخخخخخ
معلشى اعذرونى كلكم عارفين بقى الانشغال فى هموم الحياه هههههههههههههههه العيال كتروا ربنا يخلى انا عاوز ابقى ( سفن أب ) ياللا الحمد لله
اما بقى بالنسبة لضيفتنا الغاليه فهى فعلا غاليه علينا وهى عارفة ده كويس ويجى دورى فى الاسئلة السهلة بس كلها اجبارى وياريت الصراحه والطبيعه بدون دبلوماسية
اوكى يا ندى مسسسسسسسسسسسستعدة
هبدأ
بسم الله الرحمن الرحيم

1- اسمك بالكامل ؟
2- جوز اخت عمت ابوكى يقربلك ايه؟
3- ايه احساسك لما جبتى المجموع ده فى الاعدادية ؟
4- مين اول واحد جاب لك هدية النجاح ؟ مع ذكر الاسم
5- مين اول واحده من زميلاتك حبيتى تطمنى على نتيجتها ؟
6- ايه رأيك وبكل صراحه فى مدرسى ومدرسين المدرسة ؟الرجاء ذكر السلبيات والايجابيات ؟ حتى نستطيع تفادى السلبيات وتنمية الايجابيات
7- كلمة ( روح منك لله ) تقوليها لمين؟
8- ما معنى كلمة ميروثولوجيا؟
9- يا ترى بتفكرى فى ايه فى اللحظة دى ؟ بجد وصدق؟
10- مين اكتر واحده من زميلاتك زعلتى على مجموعها ؟
11- ايه احسن أكلة بالنسبالك ؟ بجد؟
12- ما هو لونك المفضل ؟
13- مستحيل ده يحصل ) قولتيها امته ؟ وما هو الموقف؟
14- امتى أخر مرة بكيتى ؟ وامته اخر مرة ضحكتى ؟ وما هو الموقف فى المرتين ؟
15- ايه رهم اقتراحاتك لتحديث المنتدى ؟ وبجد وصراحه ؟
16- من أقرب المدرسين او المدرسات الى قلبك ؟ بدون مجاملات لو سمحتى؟
17- اكتر موقف أثر فيكى وانتى فى المدرسة الاعدادية ؟
18- صديقتك المقربة الى قلبك ؟ اختارى اسم واحد من دول ( هبة - منار - بسمة - هدى )؟
19- لمن تقولى الوداع ؟ حددى بالاسم؟
20- من من المدرسين او المدرسات أثر فى حياتك فى المرحلة الاعدادية ؟

وأخيرا اقولك بالتوفيق يا ندى ان شاء الله فى حياتك العلمية والعمليه وأقولك هتوحشينا جدااااااااااااااا
واوعى تنسينا او تنسى مدرسة الدماطى

يا ترى الاسئلة سهلة !!!!!
انا حبيت اجيبها سهلة علشان الاكتئاب منتشر اليومين دول ههههههههههههههههههههه
معلشى يا ندى واتمنى اشوفك فى أحسن حال ان شاء الله .................

الرجاء الاجابة على كل سؤال

يلا يا ندى انت فين ؟؟؟؟؟؟؟؟؟جاوبى على اسئلة المستر فالكل يشمر لك عن الاسئلة ربنا يعينك بس انت أكبر من أى أسئلة صعبة مش كده ....
وياريت يا ندى تعملى Copy للأسئلة ثم تجاوبى على كل سؤال فبوضعك للإجابات فقط دون الاسئلة فوقها يجعل العضو مره يذهب للأسئلة وأخرى ليرى اجابتك .

فى انتظار ردودك

1- اسمك بالكامل ؟(ندى محمد خضر الشيخ)

2- جوز اخت عمت ابوكى يقربلك ايه؟(مايقربليش)
3- ايه احساسك لما جبتى المجموع ده فى الاعدادية ؟(أنا فى الاول اتخضيت خالص كنت متوقعة فوق التسعين بس قولت الحمد لله)
4- مين اول واحد جاب لك هدية النجاح ؟ مع ذكر الاسم (تيتة وبعد كدة خالتى)
5- مين اول واحده من زميلاتك حبيتى تطمنى على نتيجتها ؟(هدى لانها كانت التانية ورايا علطول )
6- ايه رأيك وبكل صراحه فى مدرسى ومدرسين المدرسة ؟الرجاء ذكر السلبيات والايجابيات ؟ حتى نستطيع تفادى السلبيات وتنمية الايجابيات (الايجابيات المعاملة الطيبة جداً والشرح الوافى والسلبيات والله مش لاقية سلبيات فيهم خالص )
7- كلمة ( روح منك لله ) تقوليها لمين؟(مافيش حد والله أقوله الكلمة دى هههههه)
8- ما معنى كلمة ميروثولوجيا؟(حكايات اسطورية )
9- يا ترى بتفكرى فى ايه فى اللحظة دى ؟ بجد وصدق؟(بفكر تكون اجاباتى صح وتعجبكوا هههه)
10- مين اكتر واحده من زميلاتك زعلتى على مجموعها ؟(نها)
11- ايه احسن أكلة بالنسبالك ؟ بجد؟(السمك والمحشى )
12- ما هو لونك المفضل ؟(القرمزى (الفشية) )
13- مستحيل ده يحصل ) قولتيها امته ؟ وما هو الموقف؟(لما كنت طالعة التالتة فى الصف الثانى الترم الاول )
14- امتى أخر مرة بكيتى ؟ وامته اخر مرة ضحكتى ؟ وما هو الموقف فى المرتين ؟(أخر مرة بكيت من أسبوعين كدة كنت تعبانة أوى _وآخر مرة ضحكت من شوية على السؤال (مين أول واحد جبلك هدية النجاح)
15- ايه رهم اقتراحاتك لتحديث المنتدى ؟ وبجد وصراحه ؟(نفسى الاعضاء تزيد شوية بس ده مش بأيدينا وكل عضو يكتر مواضيعه وبس)
16- من أقرب المدرسين او المدرسات الى قلبك ؟ بدون مجاملات لو سمحتى؟(الابلة سيدة شاهين كنت بحبها أوى -ومس ايمان /وحضرتك والله ياأستاذ بصراحة )
17- اكتر موقف أثر فيكى وانتى فى المدرسة الاعدادية ؟(لما واحدة صديقتى فى الفصل ردت على الاستاذ أحمد الصباغ رد وحش جداً وعملت مشكلة)...
18- صديقتك المقربة الى قلبك ؟ اختارى اسم واحد من دول ( هبة - منار - بسمة - هدى )؟(والله كلهم بحبهم جداً بس أكتر واحدة مقربة ليا أوى ومعايا علطول منار ).
19- لمن تقولى الوداع ؟ حددى بالاسم؟(لتيتة أم بابا الله يرحمهاوعمو الدكتور ابو الهيثم الله يرحمه)
20- من من المدرسين او المدرسات أثر فى حياتك فى المرحلة الاعدادية ؟(ابلة ميرفت كانت بتقعد معانا فى الفصل وتعلمنا اشياء خلقية لازم نأخذ بالنا منها وكدة واحنا استفادنا كتير )

يارب الاجابات تعجبكوااااااااااااااااااا وشكرا لك يا استاذ على السئلة دى

برافو عليكى يا ندى
كلامك كعطر بالمسك والعنبر
لكن اعتقد ان ردودك برضة فيها دبلوماسية
لكن هكتفى بهذا القدر من الاسئلة
وياللا بقى معانا نشوف هنرشح ميييييييييييييييييييييين للكرسى الاسبوع ده ؟؟؟
شدوا حيلكوا ياللا
الشكر الجزيل لجميع الاعضاء

والله مفيهاش دبلوماسية ولا حاجة انا مجاوبة كله بكل صراحة

انا متهيألى كله يا مستر اترشح للكرسى (كل الاعضاء يعنى)بس مش عارفة نختار مين لما نشوف رأى الاعضاءءء

بيتهيالي ممكن نرشح withe heartباعتبارة جديد معانا وعايزين نتعرف اكتر عليه ولا ايه رايكوا

ترشيح جيد يا اسراء انا معاك عايزين نتعرف على White heart

يلا ادخلوا ورشحوا لنستقبل ضيفا جديدا على الكرسى

وانا معاكوا فى الترشيح ان شاء الله بنرشح whiteheart يلا أما نشوف الباقى هيقولوا ايه .

» كرسى الاعتراف
» قوانين كرسى الاعتراف
» بسمة على كرسى الاعتراف حصريا على الدماطى احلى منتدى
» علاء الغزالى على كرسى الاعتراف
» ترشيحات كرسى الاعتراف (الضحيه الثالثه)