كان زماااااااااااااااااااااااااااااااااااااان

كان زمان زمان ايام جدى وجدتى امى وخالتى عمى وعمتى اما كنا ننام بين ايديهم نسمع عن افراحهم ولياليهم طقوسهم عاداتهم تقاليدهم احلى حواديت لهم **زمان كان الفرح لة طعم ومعنى ** ودقة الطبل والطار لها شنة ورنة **وياعشاق النبى ودقوا المزاهر كانت تهز وجداننا والزغرودةطالعة من القلب تبين مشاعرنا * والحنة ياعينى عليها فى كعب العروسة وفى كفوف ايديها *وزى السنيورة المغمورة تمشى فى زفتها **حواليها اسرتها **فى عينها حمرة وخجل **وحياؤها باين عليها **ماشية مكسوفة **من العين محروسة **تأخذ عريسها **وتروح على بيتها **دلوقتى الدنيا اتغيرت واتبدلت **يعنى بقينا متحضرين**وناس راقيين **بقت افراحنا على الطريقة الاجنبية **بقت كلها صريخ وزعيق **و(دى جى )وغناء بذىء زحمة ودوشة وقلبة دماغ وخبط ورزع عامل صداع والعروسة نزلت من الكوشة 0هى والمعا زيم زى المجانين يرقصوا يهيصوا متلخبطين فلان مع علان 0 مبقاش فية فرق بين العروسة المستحية ولاالست الغزية تقولشى نعيمة الماظية دى العالمة بترتاح شوية اتحزمت العروسة بطرحة فرحها نترقص وتغنى وتزرغت لروحها وضاعت هبة العريس وسط الملاحيس قلع الجاكتة 0 واتحزم بالكرافتة وبقت سلطة وخلطبيطة 0واهى كلها دوشة وزيطة **وباختصار دة مش فرح ياناس دة مولد وصاحبة غايب **يابنت بلدى اية اللى جرالك واتغيرت احوالك **لية نزلتى من عرشك **واتخليتى عن عرينك بقيتى وسط الالوف زيك زى غيرك *بعد ماكنتى ملكة متوجة متبغددة تبقى كدة **بالشكل دة **عودى لصوابك وكبريائك **دا احلى مافيك يعورسة هو حيا ؤك