شكوة ....حماااار ...هههههههه

إلى من يهمه الأمر شكوى من حمار إنضر

من كتر التعب والذل قرر يقول ع المر

لجامى ف إيدك وسايقنى ومدلدل رجليك وراكبنى

لا أقدر أقولك ريحنى ولا أعرف اسيبك وتسيبنى

نهقت ولسانى اتدلدل ولا قادر أمشى ولا أتحمل

ضهرى انحنى من تحميلك وشكلى مش ح أقدر أكمل

ارحم واعتقنى لوجه الله وسيبنى والرزق على الله

عمرى ما انسى اللى خلقنى رازقنى وأنا باتمنى رضاه

خاف من ربك وأدينى خيره ف الدنيا مورينى

من غيرك رزقى بإذن الله ح يجينى هنا قدام عينى

وافتكر لجامك متسابلك وبكره ح تموت ويحاسبك

على كل ظلمك بالكرباج بكره ح يتمصمص دمك

قدامك فرصة مفيش غيرها أرجع لربك وأعقلها

شفت الماسورة ف آخرها زى بدايتها ف أولها

وكفاية سد على الريحة قبل ما تختم بفضيحة

الدنيا كلتها مريحة ليها رب مسيرها

ياترى عرفتوا مين هو الحمار ومين صاحبه اللى بيجره؟؟